ಹೊಸತು ಗಾಳಿ ಬೀಸಿದೆ ಬದಲಾವಣೆ ಕಾದಿದೆ

Published in April 2021 Karmaveera( on Yugadi issue) 

ತಿರುಗಿ ಬಂತು ಶುಭ ಕ್ಷಣದಿ ಆದಿ ಹಬ್ಬವು

ನೋಡಿದಡೆ ಮಾವು, ಬೇವು ಚಿಗುರೆಲೆಗಳ ತೋರಣವು

ಹೊನಲಾಯಿತು ಹೊಸತು ಆಸೆ ಹೊಸತು ಬಯಕೆ ನಮ್ಮವು

ಹೊಸತು ಗಾಳಿ ಬೀಸಿದೆ ಬದಲಾವಣೆ ಕಾದಿದೆ !!!

ಹಾಡ ಮರೆತ  ಕಾಡ ಹಕ್ಕಿ ಚಿಗುರು ತಿಂದು ದನಿಯ ಎತ್ತಿ 

ಹೊಸ ಹಾದಿ ತೆರೆಯಿತೆಂದು ನೋವು-ನಲಿವು ಒಂದೇ ಎಂದು

ಹೊಸತು ರಾಗ ಹಾಡಿದೆ ಸ್ವಾಗತವ ಕೋರಿದೆ 

ಹೊಸತು ಗಾಳಿ ಬೀಸಿದೆ ಬದಲಾವಣೆ ಕಾದಿದೆ !!!

ನೆಲದೊಡಲ ಪಸೆಯಲೂ ವಾಸಂತಿಯ ಹಸಿರಲು 

ಬರುತಲಿದ ಚೈತ್ರ ತಾ ಭೂಮಿ ಬಾನು ಬೆಸೆಯಲು

ಕಾಣುತಿದೆ ಛಲವು ಪುಟಿಯುತಿದೆ ಜೀವ ಸೆಲೆಯು

ಹೊಸತು ಗಾಳಿ ಬೀಸಿದೆ ಬದಲಾವಣೆ ಕಾದಿದೆ !!!